EPSA @ Special Olympics Liichtathletik-Meeting zu Dikrech

Samsdes den 6ten Juli war een motivéierten Groupe vun Meedercher aus der Sainte-Anne, mat der Madame Bertemes an der Madame Oehl, um SOL-Liichtathletik Meeting zu Dikrech als Volontairen am Asaatz. D'Meedercher guffen außerdem vum Amel (Goldparticipant beim Mérite Jeunesse, ënnert der Leedung vun der Mme Oehl) ennerstëtzt.
Alleguerten hun se d'Aufgaben, déi hinnen zougedeelt gi sin, super gemeeschtert, sief daat an der Chambre d'appel, beim Zäitstoppen, beim Moossen oder beim Begleeden vun den Athleten zu deenen verschiddenen Statiounen.
D'Wieder an d'Stëmmung konnten nët besser sin, et gouff vill mateneen gelaacht, an sou konnt dësen Event nëmmen zu engem groussen Succès gin. Och um sportlëchen Plang sin d'Athleten aus Lëtzebuerg, der Belsch an aus Däitschland, op een Neits iwwert sech eraus gewues. Si hun super Leeschtungen am Laafen, Kugelstoussen, Ballwerfen, Mini-Javelin an am Wäitsprong bruecht!

Och RTL huet sech dësen Event nët entgoen geloss an war mat engem Reporter-Team op der Plaz. Den Reportage, mat engem Interview mam Danielle Gomes Rosa, fannt dir ënnert dësem Link: http://tele.rtl.lu/waatleeft/replay/v/20130707/81/2995655/

Een décken Merci un Iech all fir aeren Engagement! ☺

héi sinn d'Fotoen